Mga Tula

                      Biglang Kislap

– Charlene Saliot

Unang tingin, biglang kislap

Agad-agad Ikaw ay pinangarap

Sana naman ay mapansin

Pwede bang sa panaginip ay dalawin?

Parang sangang natutuyo

Namamatay pag nalalayo sa puno

Sana naman ay mapansin

Panahon ay di na palilipasin

Sana'y dumating ang panahon

Nawa'y iyong bigyan ng pagkakataon 
Tibok ng puso sana ay mapansin

Ito ay totoo at hinding-hindi ka bibiruin

Magbago man ang ikot ng mundo 
Magpapatuloy ang himig ng gitara ko 
Panulat at papel ay babaunin ko

Mabatid mo lang ang laman ng aking puso.

Talang Nawalan ng Kulay

- Daligdig, K., and A. Tongal

Ako'y taong puno ng pangarap

Gabi-gabi sa langit ay nakaharap 

Tinitingnan ang mga bituin na kumikislap Inaalala ang aking matayog na pangarap

Pangarap ko ay biglang nawala 

Ito'y naglahong parang bula 

Mga tala'y nawalan ng kulay

Nawalan ng saysay ang aking buhay 

Ganito pala ang buhay sa mundo

Laging umiikot at nakakahilo

Ang masama ay kinaiinisan

Ang mabuti ay kinaiinggitan

Kasalanan na hindi ko ginawa

Ako ang nagmukhang kaawa-awa

Hinuli ako't pinahirapan

Binilanggo sa isang kulungan

Kahit malungkot ay nakangiti

Tumitingala sa langit

Tinitingnan ang mga bituing nakakaakit 

Bituin ang nagsilbing ilaw

Sa tuwing sasapit ang gabi

Sa madilim kong pananaw

Bituin din ang nagsilbing kulay

Sa masalimuot kong buhay.

Huwarang Pamilya

-Aileen Cataga

Sa aming tahanan

Buo ang pamilya

Lubos na kasiyahan
Aming nadarama

Maaga pa lamang

Iyong nang makikita

Haligi ng tahanan

Naroon na sa palayan

Ilaw ng tahanan

Ay laging nariyan

Pagmamahal niya'y tunay

Hindi lilisan habang-buhay

 Iyon ang aking pamilya

Huwaran nga naman talaga

Sa aking paglaki

Sila’y aalagaan palagi

Di Lahat ng Plastik, Basura

 -Cantalejo, K., at F. Gocotano

Di lahat ng plastik, basura

May iba ring kaharap mo na

Tumatawa ka pa kasama siya

Kapag nakatalikod, pinag-uusapan kana pala

Sa araw-araw silay kasama

Di ko akalaing sila ay traydor pala Katuwaan, kasiyahan ako'y maaasahan

Sa problema ko'y wala silang pakialam

Kapag may kailanga'y saki'y dikit ng dikit Kasiyaha'y abot hanggang langit

Ngunit sa itsura sila pala'y manggagamit 
Panlaban ang mapagkunwaring kilos na malupit

Katulad nila'y di dapat tularan

Sila ay nakatambak na sa lipunan

Mag-ingat ka't baka ika'y malason

Tandaang iba na ang takbo ng panahon

Kulang Pa Ba?

-Ariel Ganzon & Christian Olivo

Nang maging tayo

Sayo na umikot ang mundo ko

Di nagawang ilingon ang ulo

Na para bang tayo’y hanggang dulo

Naging masaya ang ating pagsasama

Na tila ba tayong dalawa lang ang natitira

Walang lungkot sa ating mga mata

Na animo’y kakambal natin ang saya

Hindi ko inakala na ika’y magbabago

Sa isang iglap la’y nawala ang tayo

Nang sa isang babae ako’y niloko

Kulang pa ba ang lahat na ginawa ko?

Di pa ba sapat ang pagmamahal ko?

At pinagpalit mo ang seryosong tulad ko

Pinagpalit ang seryoso sa manloloko

Sa huli karma rin ang dadating sayo

Hindi man naging tayo hanggang dulo

Nagpapasalamat pa rin ako sa iyo

Dahil sa ginawa mo, ako ay natuto

At sa muli hindi na magpapaloko

Mapagbirong Tadhana

     -J. Pantinople & J. Boto

Patuloy ang paglagas ng mga dahon

Parating na naman ang dapit-hapon

‘Di alam kung saan ako paroroon

Sa kanta ng buhay, ang hirap umayon

Nakasulat pa rin sa puso at damdamin

Ang lahat ng nakaraan sa atin

Sadyang kay hirap namang limutin

Pagkawasak nati’y kay hirap tanggapin

Binago mo ang takbo ng aking buhay

Di ko kayang sayo ay mawalay

Ngunit sadyang mapagbiro ang tadhana

Di nga talaga tayo para sa isa’t-isa

Nagbago man ang dating tayo

Hangad ko pa rin ang kabutihan mo

Sana’y muli tayong magkatagpo

Kahit hanggang kaibigan na lamang tayo

Kumupas na Pag-ibig

-Allen Jean Dofiles

Unang pasok sa skwela

Sila’y aking nakilala

Baliw kong kasama

Nakakawala ng problema

Bagong kaklase na naman ang aking nakilala

Diko namalayan na sila’y nagseselos na pala

Dumating ang araw na sila’y nag-iba

Ako’y may magagawa pa ba?

Eh paano pag ika’y di na nila gusto?

Di ba pwedeng magpakatotoo?

At sabihing ayaw ko na sa’yo

Dahil may iba ng nagmamahal sayo

Pag-ibig saki’y kumupas

Parang malakas na hangin saki’y humampas

Isang mabait na kaibigan muli ang nakilala

At pinawi ang aking pangungulila

Pag-usbong

-Remarc Russel

Simpleng pamumuhay ang ating nakagisnan

Kontento na sa ordinaryong kagamitan

Ngunit sa pagsilang ng araw sa Silangan

Makabagong kagamitan umiiral sa buong kalupaan

Mga hinubog na Lumad sadyang matatalino

Mga gawa nilang tinatangkilik nang kapwa tao

Hindi masama ang mga naimbento

Kapag Ito, ay nagamit ng was to

Darating ang panahon ang luntiang kulay

Kukupas din ng sabay-sabay

Dahil sa masasamang epekto ng mga naimbento

Bilang na mga araw ng mga tao sa mudo.

Nakakatulong nga sa atin ang mga bagong kagamitan

Sa tulong ng mga ito, buhay ay napapagaan

Ngunit lagi nating pakatatandaan

Tamis na dulot nito'y mayroon hangganan.